![](https://disright.org/sites/default/files/styles/large/public/field/image/forum_3_0.jpg?itok=jWEl3GvE)
Офіс па правах людзей з інваліднасцю прыняў удзел у форуме "Партнёрства без абмежаванняў", арганізаваным Прадстаўніцтвам Міжнароднага дзіцячага фонду ў Беларусі. Форум праходзіў 14-16 верасня 2012 года ў Мінскім міжнародным адукацыйным цэнтры (IBB).
![](/sites/default/files/forum_1.jpg)
![](/sites/default/files/forum_2.jpg)
![](/sites/default/files/forum_4.jpg)
Мэта, якую ставілі перад сабой арганізатары, - развіццё і ўмацаванне партнёрства арганізацыяў, якія працуюць для людзей з інваліднасцю, абмен досведам у галіне прасоўвання інтарэсаў людзей з інваліднасцю, планаванне сумесных адвакатыўных дзеянняў, - была цалкам выкананая.
![](/sites/default/files/forum_5.jpg)
![](/sites/default/files/forum_6.jpg)
На форум прыехалі ўдзельнікі з усіх рэгіёнаў Беларусі: прадстаўнікі дзяржаўных структур і грамадскіх арганізацыяў, эксперты, бацькі дзяцей з інваліднасцю. Усе прымалі актыўны ўдзел у абмеркаванні такіх важных і актуальных тэм, як правы чалавека, Канвенцыя аб правах інвалідаў, даступнасць, роўнае працаўладкаванне, інклюзія ... Людзі, якія кожны дзень сутыкаюцца з гэтым, казалі пра тое, як такія пытанні вырашаюцца ў іх арганізацыях, школах, працоўных калектывах.
![](/sites/default/files/forum_7.jpg)
![](/sites/default/files/forum_9.jpg)
![](/sites/default/files/forum_8.jpg)
Эксперты Офіса падрыхтавалі і правялі для гасцей форуму некалькі мерапрыемстваў: Круглы стол "Даступнасць. Што мы разумеем пад даступнасцю і як яе наблізіць" (эксперт Галіна Крот), ворк-шоп "Гвалт і інваліднасць" (эксперт Таццяна Анушкевіч), круглы стол "Канвенцыя аб правах інвалідаў: дапаможнік для выкарыстання" (эксперт Сяргей Драздоўскі).