Навіны

  • Офіс па правах людзей з інваліднасцю на круглым стале "Партнёрства без абмежаванняў"

    31 студзеня 2012

    27 студзеня Офіс па правах людзей з інваліднасцю прыняў удзел ва ўстаноўчым круглым стале "Партнёрства без абмежаванняў", які арганізавала прадстаўніцтва Міжнароднага дзіцячага фонду.

    Асноўная мэта мерапрыемства - павышэнне патэнцыялу і выніковасці арганізацыяў, якія працуюць для людзей з інваліднасцю, праз прыцягненне зацікаўленых бакоў і развіццё партнёрства.

  • Офіс па правах людзей з інваліднасцю прыняў удзел у канферэнцыі «Безбар’ернае асяроддзе як фактар ​​ўстойлівага развіцця грамадства»

    27 студзеня 2012

    26 студзеня 2012 года ў Акадэміі кіравання пры Прэзідэнце Рэспублікі Беларусь прайшла навукова-практычная канферэнцыя «Безбар’ернае асяроддзе як фактар ​​ўстойлівага развіцця грамадства». Праграма канферэнцыі складалася з семінараў, кожны з якіх закранаў вострую сацыяльную праблему ў галіне інваліднасці. Выступоўцы раскрылі праблемы, якія сустракаюцца на кожным этапе жыцця чалавека з інваліднасцю. Ад стварэння ўмоваў пры выхаванні дзіцяці, яго навучання і адаптацыі ў грамадстве да вырашэння праблемы з працаўладкаваннем і занятасцю.

  • Рэгіянальны этап інфармацыйнай кампаніі "Даступнасць"

    25 студзеня 2012

    У перыяд з 31 студзеня да 21 лютага 2012 года Офіс па правах людзей з інваліднасцю праводзіць рэгіянальны этап інфармацыйнай кампаніі «Даступнасць». Інфармацыйныя дні пройдуць у абласных цэнтрах краіны па наступным плане:

    31/01 - Гродна (Адрас: вуліца Будзёнага, 48а, офіс 62).

    01/02 - Брэст (Адрас: кафэ "Фея" вул. Пушкінская 16/1).

    08/02 - Віцебск (Адрас: пр-т Фрунзэ, д.92 к.2 Віцебскі дом-інтэрнат пажылых людзей і інвалідаў (Актавая зала).

    15/02 - Магілёў (Адрас: вул. Сурганава, 21).

    16/02 - Гомель (Адрас: вул. Пралетарская, 18).

  • Круглы стол "Даступнасць паслуг страхавання для людзей з інваліднасцю"

    25 студзеня 2012
    24 студзеня 2012 года ў Мінску прайшоў круглы стол на тэму "Даступнасць паслуг страхавання для людзей з інваліднасцю". Мерапрыемства было ініцыявана і арганізавана сумесна Офісам па правах людзей з інваліднасцю і Міжнародным сацыяльна-эканамічным фондам "Ідэя". Тэмай абмеркавання стала даступнасць для людзей з інваліднасцю такіх паслуг страхавання, як страхаванне ад няшчасных выпадкаў і страхаванне пры выездзе за мяжу - менавіта гэтыя віды страхавання на сёння не прадастаўляюцца людзям з інваліднасцю 1 і 2 групаў большасцю беларускіх страхавых кампаніяў.
  • Праца пераадольвае бар’еры

    19 студзеня 2012

    23 студзеня Віцебская аб’яднаная арганізацыя грамадскага аб’яднання “Рэспубліканская асацыяцыя інвалідаў-калясачнікаў” (РАІК) пры падтрымцы Офіса па правах людзей з інваліднасцю прыступае да рэалізацыі праекту “Праца пераадольвае бар’еры”. Галоўная мэта праекта - правядзенне даследавання занятасці і даступнасці працаўладкавання для людзей з інваліднасцю ў Віцебску і вылічэнне найбольш слабых месцаў у гэтай сферы. Усе сабраныя звесткі будуць прааналізаваныя і супастаўленыя паміж сабой. Па выніках праекта плануецца правесці круглы стол і прэзентацыю вынікаў даследавання.

  • Конкурс “Пераклад Канвенцыі аб правах інвалідаў на беларускую мову”

    16 студзеня 2012

    ПРАВІЛЫ ПРАВЯДЗЕННЯ КОНКУРСУ

    “Пераклад Канвенцыі аб правах інвалідаў на беларускую мову”

    Асветніцкая праваабарончая ўстанова “Офіс па правах людзей з інваліднасцю” абвяшчае конкурс “Пераклад Канвенцыі аб правах інвалідаў на беларускую мову”. Дзейнасць Офіса па правах людзей з інваліднасцю скіраваная на прасоўванне панятку інваліднасці як праблемы правоў чалавека. У сваёй дзейнасці мы абапіраемся на каштоўнасці і палажэнні Канвенцыі аб правах інвалідаў (далей Канвенцыі).

  • З Раством Хрыстовым і Новым Годам!

    23 снежня 2011

    Дарагія сябры!

    Ад усёй душы віншуем Вас з надыходзячымі святамі - Раством Хрыстовым і Новым годам!

     

  • Офіс па правах людзей з інваліднасцю на круглым стале ГА "Беларуская асацыяцыя сацыяльных работнікаў"

    8 снежня 2011

     

  • Адбылася прэс-канферэнцыя "Офіса па правах людзей з інваліднасцю"

    1 снежня 2011
    1 снежня 2011 г. адбылася прэс-канферэнцыя асветніцкай праваабарончай установы "Офіс па правах людзей з інваліднасцю».
     
    Тэма прэс-канферэнцыі: Даклад (альтэрнатыўны) аб стане забеспячэння і выканання правоў людзей з інваліднасцю ў Рэспубліцы Беларусь.
     
    Спікерам выступіў каардынатар Офіса па правах людзей з інваліднасцю Сяргей Драздоўскі.

     

  • Конкурс эсэ і навуковых прац працягваецца

    22 лістапада 2011

    Працягваецца прыём працаў на конкурс эсэ і навуковых працаў, абвешчаны Офісам па правах людзей з інваліднасцю.

    Тэмы працаў:

    1. Даступнасць і інваліднасць.

    2. Канвенцыя аб правах інвалідаў.

    Нагадваем, што Конкурс эсэ і навуковых працаў быў абвешчаны ў верасні гэтага года.

  • Старонкі