Навіны

  • Як вучацца і працуюць людзі з інваліднасцю ў Польшчы, даведаліся беларускія спецыялісты

    21 ліпеня 2013

    Першая група ўдзельнікаў, прадстаўнікоў розных беларускіх установаў, грамадскіх арганізацыяў і ініцыятываў, якія працуюць з людзьмі, што маюць інваліднасць, завяршыла ўдзел у навучальным семінары "Навучанне на працягу ўсяго жыцця: працаўладкаванне і сацыяльная актывізацыя людзей з інваліднасцю", у рамках якога быў арганізаваны адукацыйны візіт у Польшчу.

  • Інфармацыйны бюлетэнь (чэрвень, 2013)

    17 ліпеня 2013

    Выйшаў у свет свежы бюлетэнь Офіса па правах людзей з інваліднасцю.

    Не атрымалася паўдзельнічаць у Тыдні Даступнасці? Галоўныя высновы, цікавы погляд экспертаў на праблемы інваліднасці і, магчыма, адказы на некаторыя свае пытанні вы зможаце знайсці ў бюлетэні. Акрамя гэтага, тут прачытаеце апошнія міжнародныя навіны, якія тычацца правоў людзей з інваліднасцю, а таксама атрымаеце чарговую юрыдычную кансультацыю.

  • Блог "Ад Даступнасці да Роўнасці"

    30 чэрвеня 2013

    Офіс па правах людзей з інваліднасцю адкрывае блог для абмеркавання і развіцця тэмы даступнасці "Ад Даступнасці да Роўнасці" http://serge.drozdovsky.blog.tut.by/

    Загалоўная тэма блога - экспазіцыя "Сімвал Даступнасць", створаная ў рамках інфармацыйнай кампаніі "Даступнасць" і па выніках конкурсу "Стварэнне сімвала Даступнасць".

    "У блогу Вы можаце ўбачыць online-версію шорт-ліста конкурсу "Стварэнне сімвала Даступнасць".

  • Тыдзень Даступнасці: Бясплатныя юрыдычныя кансультацыі

    27 чэрвеня 2013

    У рамках падзеі "Тыдзень Даступнасці" Офіс па правах людзей з інваліднасцю правёў акцыю “Бясплатныя юрыдычныя кансультацыі”. Да акцыі далучыліся адвакаты па ўсёй краіне (Мінская гарадская калегія адвакатаў, Мінская абласная калегія, Віцебская абласная, Гарадзенская абласная, Магілёўская абласная ды Гомельская абласная калегіі адвакатаў). Таксама ў бясплатных юрыдычных кансультацыях прынялі ўдзел студэнты-юрысты юрыдычных клінік: юрыдычнай клінікі Беларускага дзяржаўнага эканамічнага універсітэта, юрыдычнай клінікі Беларускага інстытута правазнаўства і адукацыйнай клінікі “Жывое права” на базе УА “ГДУ імя. Ф. Скарыны”.

    За час акцыі ў юрыдычную прыёмную Офіса па правах людзей з інваліднасцю звярнулася 70 чалавек.

  • У шорт-лісты фестывалю AD.NAK! увайшлі конкурсныя работы па тэме "Даступнасць" (Відэа)

    27 чэрвеня 2013

    Апублікаваныя шорт-лісты фестывалю беларускамоўнай рэкламы AD.NAK! У гэтым годзе тэма даступнасці ў сферы інваліднасці заняла ганаровае месца ў спісе прэтэндэнтаў на перамогу ў розных намінацыях.

    Прадстаўляем Вашай увазе гэтыя працы:

    Шорт-ліст у намінацыі "Сацыяльная рэклама".

    Раздзел тэлевізійнай рэкламы.

    Ролік "Даступнасць", Офіс па правах людзей з інваліднасцю. Аўтары: Ала Дромава і Ірына Харкевіч.

  • Экспазіцыя "Сімвал Даступносць"

    21 чэрвеня 2013

    У рамках інфармацыйнай кампаніі "Даступнасць" і паводле вынікаў конкурсу "Стварэнне сімвала Даступнасць" Офіс па правах людзей з інваліднасцю адкрывае экспазіцыю “Сімвал Даступнасць”.

    “Гэта не стацыянарная выстава, - распавядае каардынатар Офіса па правах людзей з інваліднасцю Сяргей Драздоўскі. - У яе няма пэўнага месца або гадзін працы. Мы будзем прадстаўляць нашу экспазіцыю ўсюды, дзе ёсць магчымасць паказаць яе людзям, зацікаўленым тэмай Даступнасці і правоў людзей з інваліднасцю. Экспазіцыя з’яўляецца цяпер прамежкавым вынікам праведзенага намі конкурсу “Стварэнне сімвала Даступнасць”, дзе кожны меў магчымасць прадставіць сваё бачанне сімвала Даступнасці. Але, як кажуць, колькі аўтараў, столькі і меркаванняў. Нават кампетэнтнаму журы было складана вызначыцца з пераможцам. Вынікі конкурсу неадназначныя і неканчатковая. І наша экспазіцыя - гэта, перш за ўсё, запрашэнне да дыскусіі, як візуалізаваць паняцце Даступнасці, растлумачыць яго, зрабіць зразумелым і агульным”.

  • Лекцыі Тыдня Даступнасці (Відэа)

    18 чэрвеня 2013

    У рамках падзеі "Тыдзень Даступнасці" прайшлі публічныя лекцыі і майстар-класы. Мы прапануем Вашай увазе online-версіі мерапрыемстваў.

    Майстар - клас "Як зрабіць даступны сайт". Спікер: Аляксандр Севярын (Беларусь).

  • Асветніцкая праваабарончая ўстанова "Офіс па правах людзей з інваліднасцю" запрашае на працу РЭДАКТАРА САЙТУ

    5 чэрвеня 2013

    Службовыя абавязкі:

    1. Распрацоўвае і падтрымлівае асноўную канцэпцыю сайта, уносіць прапановы па дапрацоўцы канцэпцыі і зместу сайта, па ўвядзенні новага сэрвісу для наведвальнікаў сайта.

    2. Спрыяе прасоўванню і папулярызацыі сайта ў інтэрнэце.

    3. Рыхтуе інфармацыю для сайта Офіса па правах людзей з інваліднасцю (піша артыкулы, працуе з вонкавымі і ўнутранымі крыніцамі інфармацыі, ажыццяўляе яе адбор для размяшчэння на сайце; напаўняе раздзелы адпаведнай інфармацыяй, падтрымлівае абнаўленні; і г. д.).

  • Асветніцкая праваабарончая ўстанова "Офіс па правах людзей з інваліднасцю" запрашае на працу ЮРЫСТА

    4 чэрвеня 2013

    Службовыя абавязкі:

    - Праца са зваротамі грамадзянаў (пісьмовымі і вочнымі), фарміраванне кейсаў, падрыхтоўка заяваў, пазоваў, скаргаў;

    - Прававое суправаджэнне дзейнасці Установы, рыхтуе неабходныя формы дамоваў і іншых дакументаў;

    - Удзел у падрыхтоўцы інструментара маніторынгаў (прававы складнік);

    - Праца з заканадаўствам, структураванне па прыкмеце інваліднасці, падрыхтоўка актуальных навінаў па заканадаўстве для сайта;

    - Удзел у мерапрыемствах, якія праводзяцца Установай: уоркшопы, круглыя ​​сталы, публічныя дыскусіі, і да т.п.;

    - Выкананне даручэнняў кіраўніка Установы.

  • Эксперт Тыдня Даступнасці: Марына Хадзіна - кіраўнік кар'ерных сэрвісаў кампаніі Head Hunter

    3 чэрвеня 2013

    Сёння на постсавецкай прасторы вельмі востра стаіць праблема працаўладкавання інвалідаў, і Беларусь не з'яўляецца выключэннем. Каб праблема не заставалася такой, а вырашалася ў максімальна сціснутыя тэрміны, патрэбныя зацікаўленыя ў гэтым людзі. Напрыклад, як кіраўнік кар’ерных сэрвісаў кампаніі Head Hunter Марына Хадзіна, якая прыехала ў Мінск, каб прачытаць лекцыю аб наяўнай праблеме.

    “Лекцыя атрымалася насычанай па змесце і па ўцягнутасці публікі. Госці актыўна ўдзельнічалі ў гутарцы і, не саромеючыся, задавалі хвалюючыя іх пытанні. Падабраўся цікавы склад спікераў: партал працы, цэнтр занятасці насельніцтва і прадстаўнік, які з’яўляецца якасным экспертам у метадалогіі і крытэрах ІПР, што дазволіла абмеркаваць праблему з розных гледзішчаў.

  • Старонкі