Навіны

  • Выйшаў дзясяты выпуск "Бюлетэня па правах людзей з інваліднасцю" (Май, 2013)

    3 чэрвеня 2013

    Прадстаўляем Вашай увазе Бюлетэнь па правах людзей з інваліднасцю, дзясяты выпуск (Май 2013 года).
    Дакумент адчыняецца ў фармаце PDF з дапамогай праграмы Adobe Reader.

  • Вынікі Тыдня Даступнасці

    31 мая 2013

    У перыяд з 17 па 22 мая ў рамках інфармацыйнай кампаніі “Даступнасць” у Мінску прайшла ўнікальная для нашай краіны падзея “Тыдзень Даступнасці”, прысвечаная пытанням усіх відаў Даступнасці для людзей з інваліднасцю. Арганізатарам мерапрыемства выступіла асветніцкая праваабарончая ўстанова “Офіс па правах людзей з інваліднасцю”. Тыдзень Даступнасці складаўся з 16 мерапрыемстваў: публічныя лекцыі і дыскусія, майстар-класы, форум даступнасці, паказы фільмаў і сацыяльных ролікаў, цырымоніі адкрыцця і ўзнагароджання пераможцаў конкурсу на сімвал даступнасці.

  • Публічная лекцыя "Даступнасць навакольнага свету і шляхі адвакатавання заканадаўства аб даступнасці"

    21 мая 2013

    Спікер: Капка Панаётава (Балгарыя)

    Публічную лекцыю "Даступнасць навакольнага свету і шляхі адвакатавання заканадаўства аб даступнасці" правядзе вядомая балгарская праваабаронца і актывістка руху за незалежнае жыццё людзей з інваліднасцю, Капка Панаётава (Балгарыя). Лекцыя будзе прысвечана таму, як ад тэорыі даступнасці перайсці да практычнага замацавання ў заканадаўстве прынцыпаў даступнасці, як абараніць свае правы ў пытаннях даступнасці.

    Мерапрыемства адбудзецца 21 мая. Пачатак у 16.00. Уваход вольны. Адрас: Мінск, праспект Пераможцаў, дом 51, ​​галерэя «PRезентацыя».

  • Офіс па правах людзей з інваліднасцю: Падведзены вынікі конкурсу “Стварэнне сімвала Даступнасць”

    20 мая 2013

    Падведзены вынікі конкурсу “Стварэнне сімвала Даступнасць”, які арганізавала асветніцкая праваабарончая ўстанова “Офіс па правах людзей з інваліднасцю”. Намінанты і пераможцы былі аб’яўленыя сёння на Цырымоніі ўзнагароджання, якая прайшла ў рамках падзеі “Тыдзень Даступнасці”.

  • Практычны майстар-клас "Маніторынг безбар'ернага асяроддзя"

    20 мая 2013

    Спікеры: Галіна Крот, Яўген Шаўко (Беларусь)

    Пытанні архітэктурнай Даступнасці вельмі востра стаяць у нашай краіне. Маніторынгі безбар'ернага асяроддзя, якія праводзяцца грамадскімі арганізацыямі, паказваюць, што агульная даступнасць інфраструктуры не перавышае 35%, а 9 з 10 чалавек з інваліднасцю не могуць паўнавартасна карыстацца ўласным жыллём, бесперашкодна выходзіць і вяртацца дадому, што з'яўляецца прамым парушэнне правоў чалавека. Офіс па правах людзей з інваліднасцю сумесна з удзельнікамі кааліцыі "Даступнасць" у рамках праекта "Маніторынг безбар'ернага асяроддзя" распрацавалі і выдалі "Дапаможнік дзеля маніторынгу даступнасці архітэктурных аб'ектаў, будынкаў і збудаванняў для людзей з інваліднасцю" і "Інструмент для абследавання даступнасці аб'ектаў для людзей з інваліднасцю і іншых катэгорыяў фізічна аслабленых асобаў".

  • Майстар-клас "Як зрабіць даступны сайт"

    20 мая 2013

    Спікер: Аляксандр Севярын (Беларусь)

    Даступнасць інфармацыі, Інтэрнэт, сувязі. Наколькі гэта актуальна ў нашы дні, разумеюць усе. Чалавек па-за інфармацыйнай прасторай губляе шматлікія складнікі сучаснай асобы і аказваецца за межамі жыцця грамадства. Тэма мае на ўвазе абмеркаванне шырокага кола пытанняў аб тым, чаму запыты карыстальнікаў з праблемамі зроку часта ігнаруюцца распрацоўшчыкамі.

  • Публічная лекцыя "Універсальны дызайн як сродак забеспячэння роўнасці". Спікер: Наталля Лазоўская (Беларусь)

    19 мая 2013

    Пытанні архітэктурнай Даступнасці вельмі востра стаяць у нашай краіне. Маніторынгі безбар'ернага асяроддзя, якія праводзяцца грамадскімі арганізацыямі, паказваюць, што агульная даступнасць інфраструктуры не перавышае 35%, а 9 з 10 чалавек з інваліднасцю не могуць паўнавартасна карыстацца ўласным жыллём, бесперашкодна выходзіць і вяртацца дадому, што з’яўляецца прамым парушэнне правоў чалавека. Аднак даступнасць тычыцца не толькі людзей з інваліднасцю.

  • Публічная дыскусія “Даступнасць працаўладкавання для людзей з інваліднасцю”

    18 мая 2013

    Праблема годнага працаўладкавання – адна з найважнейшых для чалавека з інваліднасцю. Даследаванні паказваюць, што ўдзельная вага працуючых інвалідаў складае каля 14%. У Беларусі больш за 40% людзей з інваліднасцю, якія шукалі працу, сутыкаюцца з тым, што наймальнікі не жадаюць браць іх на працу з-за інваліднасці. Другой перашкодай на шляху да працаўладкавання з’яўляецца адсутнасць архітэктурнай даступнасці і даступнасці транспарту. І, на жаль, вялізная праблема – гэта бар’еры ў свядомасці.

  • Офіс па правах людзей з інваліднасцю прэзентуе: упершыню ў Беларусі Тыдзень Даступнасці

    17 мая 2013

    Мінск, 17 мая 2013 года. Сёння пачалася ўнікальная для Беларусі падзея – “Тыдзень Даступнасці”. Арганізатарам мерапрыемства выступае асветніцкая праваабарончая ўстанова “Офіс па правах людзей з інваліднасцю”.

  • Публічная лекцыя “Даступнасць як крытэр якасці жыцця людзей з інваліднасцю”

    16 мая 2013

    Спікер: Эльміра Набярушкіна (Расія).

    Права на горад як пытанне сацыяльнага грамадзянства, Даступнасць скрозь прызму гарадскога грамадзянства людзей з інваліднасцю, Філасофія і метадалогія даступнасці (даступнае асяроддзе, універсальны дызайн, інклюзіўны дызайн), Дзяржаўная палітыка фармавання даступнасці і павышэння якасці жыцця людзей з інваліднасцю, Аналіз практык канструявання даступнага асяроддзя: праблемы і перспектывы: пра гэта і не толькі – у першай публічнай лекцыі “Даступнасць як крытэр якасці жыцця людзей з інваліднасцю” Эльміры Набярушкінай (Расія). Мерапрыемства адбудзецца 17 мая. Пачатак у 16.30. Уваход вольны. Адрас: Мінск, праспект Пераможцаў, дом 51, галерэя «PRезентацыя».

    Жывая трансляцыя публічнай лекцыі – тут: http://disright.org/online-translation

  • Старонкі