Спікер: Аляксандр Севярын (Беларусь)
Даступнасць інфармацыі, Інтэрнэт, сувязі. Наколькі гэта актуальна ў нашы дні, разумеюць усе. Чалавек па-за інфармацыйнай прасторай губляе шматлікія складнікі сучаснай асобы і аказваецца за межамі жыцця грамадства. Тэма мае на ўвазе абмеркаванне шырокага кола пытанняў аб тым, чаму запыты карыстальнікаў з праблемамі зроку часта ігнаруюцца распрацоўшчыкамі. Ёсць прыклады эфектыўнага вырашэння праблемы доступу да інфармацыі на ўзроўні сістэмы (кампутары Apple Mac & iPhone); будзе весціся гаворка пра асаблівасці платных і бясплатных скрынрыдараў, пра бясплатную праграму NVDA (Non Visual Desktop Access), якая дазваляе невідушчым атрымліваць інфармацыю з экрана ў галасавым рэжыме або праз брайль-прыладу. Праграма, якая мае адкрыты код і падтрымлівае шмат моваў, у тым ліку расійскую, распрацоўваецца валанцёрамі. Аляксандр раскажа аб мабільнай навігацыі. Людзі з праблемамі зроку могуць сёння арыентавацца ў горадзе на парадак лепш, чым 10 гадоў таму, бо карыстаюцца адмысловымі апамі для навігацыі, але самі інтэрфейсы мабільных АС і апы-навігатары ўсё яшчэ вельмі не дасканалыя. Акрамя таго, на гэты момант скрынрыдары і навігатары для сляпых пад Symbian ужо не развіваюцца і хутка выходзяць з моды, а пад Android яшчэ не дапрацаваны і не дазваляюць разлічваць свой маршрут. Плюс сама галінка Android 2х не падтрымлівае галасавую навігацыю, хоць галінку 4х абяцалі зрабіць больш сяброўскай для людзей з праблемамі зроку.
Мерапрыемства адбудзецца 20 мая. Пачатак у 14.00. Уваход вольны. Адрас: Мінск, праспект Пераможцаў, дом 51, галерэя «PRезентацыя».
Жывая трансляцыя майстар-класа - тут
