Сімволіка адыгрывае вялікую ролю ў жыцці грамадства. Ці тое дарожная разметка, рэкламны постэр, ці то паштоўка. Убачыўшы знаёмы знак, мы адразу разумеем, аб чым ідзе гаворка. Часта сімвал больш зразумелы, чым шматлікія словы. І яго прызначэнне - інфармаваць аб праблеме, заяўляць пра тую з'яву, якую ён пазначае, служыць сігналам да дзеяння або заклікам змяніць што-небудзь.
Усім вядомая «Чырвоная стужачка» - міжнародны сімвал барацьбы са СНІДам, «Чалавек у інваліднай калясцы» - сімвал інваліднасці, «Зямны шар у атачэнні стылізаваных чалавечкаў» - сімвал Міжнароднага дня дзяцей. Іх мноства... Важных і зразумелых, складаных і па-дзіцячы наіўных, але яны заўсёды гавораць аб тым, што ЁСЦЬ асаблівасці, і да іх трэба ставіцца з асаблівым разуменнем.
"Офіс па правах людзей з інваліднасцю сістэмна займаецца пытаннямі даступнасці ў галіне правоў людзей з інваліднасцю. Мы лічым, што сёння наша грамадства недастаткова інфармаванае аб праблеме забеспячэння даступнасці ў гэтай сферы. Гэтым конкурсам мы адкрываем новы этап нашай інфармацыйнай кампаніі «Даступнасць», якая праходзіць пад лозунгам «Ад даступнасці да Роўнасці». Гэта этап візуалізацыі панятку Даступнасць, разумення яго шырокай грамадскасцю. Мы лічым, наша грамадства гатова да таго, каб паняцце Даступнасць здабыла свой знак, - распавядае каардынатар Офіса Сяргей Драздоўскі. Мы разумеем, наколькі складана ў адным знаку змясціць такую шырокую з'яву, як Даступнасць. Але ўсё ж... Мы звяртаемся да творчай супольнасці Беларусі з прапановай прыняць удзел у стварэнні такога знака. Якім ён будзе - прапануем Вам вылучыць ідэі. Але вельмі важна, каб ён быў «моцным», такім, які «прамаўляе». Бо праблема даступнасці ў сферы забеспячэння і выканання правоў людзей з інваліднасцю вельмі востра стаіць у нашай краіне. Гэта паняцце ахоплівае ўсе сферы жыцця. Яно ўключае ў сябе архітэктурную даступнасць, даступнасць паслуг, сэрвісаў, інфармацыі, даступнасць адукацыі і працаўладкавання. Гэта і многае іншае забяспечвае людзям з інваліднасцю іх права весці паўнавартаснае жыццё і быць улучанымі ў жыццё грамадства.
Да 3 траўня 2013 года ўсе жадаючыя прыняць удзел у конкурсе, могуць дасылаць свае працы на адрас: pr@disright.org. Работы прымаюцца ў электронным выглядзе ў любым графічным рэдактары. Фармат: jpg, tiff, psd. Правілы конкурсу і брыф можна паглядзець на сайце Офіса па правах людзей з інваліднасцю www.disright.org
Вынікі конкурсу будуць абвешчаныя падчас Тыдня «Даступнасць» 20 траўня 2013 года.
Пераможца атрымае грашовае ўзнагароджанне. Таксама будуць вызначаны пераможцы ў розных намінацыях. Свайго пераможцу таксама выберуць карыстальнікі беларускага партала TUT.BY.
Усе пытанні можна задаць спецыялісту па камунікацыях Офіса па правах людзей з інваліднасцю Таісіі Пастуховай (+375 25 9717179, pr@disright.org)
Пазнаёміцца з дзейнасцю Офіса па правах людзей з інваліднасцю можна на сайце арганізацыі www.disright.org
Генеральны інфармацыйны партнёр падзеі - Беларускі партал TUT.BY
Персоны падзеі:
- Кірыла Валошын (Беларускі партал TUT.BY)
- Пётр Папялушка (рэкламны холдынг SMG Belarus)
- Александр Шавялевіч (Kryn - Starcom Mediavest Groupe Belarus)
- Ігар Самкін (Асацыяцыя рэкламных арганізацыяў)
- Ніна Шыдлоўская (Рада Міжнароднага грамадскага аб'яднання «Згуртаванне беларусаў свету «Бацькаўшчына», каардынатар культурніцкай кампаніі «Будзьма беларусамі!»)
- Алена Макоўская (Міжнароднае грамадскае аб'яднанне «Згуртаванне беларусаў свету «Бацькаўшчына», каардынатар культурніцкай кампаніі «Будзьма беларусамі!»)
Творчы відэабрыф конкурсу:
Тэкставы брыф на творчы конкурс «Стварэнне сімвала «ДАСТУПНАСЦЬ» можна запампаваць па гэтай спасылцы.
Правілы правядзення конкурсу можна прачытаць тут.
