24 студзеня 2012 года ў Мінску прайшоў круглы стол на тэму "Даступнасць паслуг страхавання для людзей з інваліднасцю". Мерапрыемства было ініцыявана і арганізавана сумесна Офісам па правах людзей з інваліднасцю і Міжнародным сацыяльна-эканамічным фондам "Ідэя". Тэмай абмеркавання стала даступнасць для людзей з інваліднасцю такіх паслуг страхавання, як страхаванне ад няшчасных выпадкаў і страхаванне пры выездзе за мяжу - менавіта гэтыя віды страхавання на сёння не прадастаўляюцца людзям з інваліднасцю 1 і 2 групаў большасцю беларускіх страхавых кампаніяў.