У чэрвені бягучага года Офіс па правах людзей з інваліднасцю інфармаваў грамадскасць аб праблемах даступнасці транспарту для дзяцей з асаблівасцямі псіхафізічнага развіцця. Юрысты Офіса заняліся рашэннем пытання. Пасля доўгіх намаганняў высветлілася, што існуе спецыяльны нарматыўна-прававы акт, які рэгулюе дадзеную праблему, -- Пастанова міністэрства адукацыі Рэспублікі Беларусь № 247 "АБ ЗАЦВЯРДЖЭННI ПАЛАЖЭННЯ АБ ПАРАДКУ АРГАНІЗАЦЫІ ПАДВОЗУ НАВУЧЭНЦАЎ".

Прадстаўляем Вашай увазе сацыяльны ролік аб неабходнасці далучэння Беларусі да Канвенцыі аб правах інвалідаў. Ролік быў створаны па ініцыятыве Офіса па правах людзей з інваліднасцю ў рамках інфармацыйнай кампаніі «Даступнасць». Аўтар ідэі - Аляксей Сушанцоў. Здымачная група - студыя «Pylilo Production Studio», генеральны прадзюсар Наталля Пыліла.

Віцебская аб’яднаная арганізацыя грамадскага аб’яднання «Рэспубліканская асацыяцыя інвалідаў-калясачнікаў» і Офіс па правах людзей з інваліднасцю правялі круглы стол «Праца пераадольвае бар’еры». Мерапрыемства праводзілася ў рамках інфармацыйнай кампаніі «Даступнасць» і было прысвечана праблемам занятасці людзей з інваліднасцю ў Віцебскай вобласці.

27 сакавіка Офіс па правах людзей з інваліднасцю правёў прэзентацыю дзвюх сацыяльна важных падзеяў: кнігі АляксандраТамковіча «Пераадоленне» і сацыяльнага відэароліка аб неабходнасці далучэння Беларусі да Канвенцыі аб правах інвалідаў.

У зале сабраліся прадстаўнікі дзяржаўных, грамадскіх і культурных арганізацыяў, журналісты. Прывітальнае слова да прысутных сказаў каардынатар Офіса па правах людзей зінваліднасцю Сяргей Драздоўскі.

Выходзячы з дому па сваіх справах - азірніцеся: ці шмат вакол вас людзей з інваліднасцю на вуліцы, на працы, у басейне, тэатры, кафэ? Напэўна - не. Але ж кожны 20-ы беларус - інвалід, і яшчэ, мабыць, столькі ж пражываюць у стане інваліднасці. Дзе яны ўсе? Чаму іх няма ў нашым жыцці? Толькі таму, што іх стан здароўя адрозніваецца ад «нормы»?! Няма. Справа ў бар'ерах, якія перашкаджаюць ім апынуцца сярод нас.