У лютым гэтага года ў Офіс па правах людзей з інваліднасцю звярнуўся Халецкі Анатоль Пятровіч, інвалід III групы. Сутнасць звароту: незаконнае звальненне і дыскрымінацыя паводле прыкметы інваліднасці.

Што ж стаіць за складанымі юрыдычнымі тэрмінамі? Гісторыя, здавалася б, банальная. Але, на жаль, яна паказвае рэальную карціну адносін, якія часцей за ўсё складваюцца паміж працадаўцам і працаўніком з інваліднасцю.

Фота тыдня  на сайце www.disright.org

Фота тыдня  на сайце http://disright.org

Выходзячы з дому па сваіх справах - азірніцеся: ці шмат вакол вас людзей з інваліднасцю на вуліцы, на працы, у басейне, тэатры, кафэ? Напэўна - не. Але ж кожны 20-ы беларус - інвалід, і яшчэ, мабыць, столькі ж пражываюць у стане інваліднасці. Дзе яны ўсе? Чаму іх няма ў нашым жыцці? Толькі таму, што іх стан здароўя адрозніваецца ад «нормы»?! Няма. Справа ў бар'ерах, якія перашкаджаюць ім апынуцца сярод нас.

Офіс па правах людзей з інваліднасцю абараняе правы людзей з інваліднасцю і прасоўвае разуменне інваліднасці, як праблемы захавання правоў чалавека ва ўсім свеце. Наша дзейнасць скіраваная на тое, каб змяніць наша грамадства, зрабіць яго свабодным ад бар’ераў і дыскрымінацыі. Мы змагаемся за тое, каб людзі з інваліднасцю сталі раўнапраўнымі членамі грамадства і былі ўключаны ва ўсе сферы грамадскага жыцця.

Віцебская аб’яднаная арганізацыя грамадскага аб’яднання «Рэспубліканская асацыяцыя інвалідаў-калясачнікаў» і Офіс па правах людзей з інваліднасцю запрашаюць прыняць удзел у круглым стале «Праца пераадольвае бар’еры». 

Мерапрыемства праводзіцца ў рамках інфармацыйнай кампаніі «Даступнасць» і будзе прысвечана даследаванню занятасці інвалідаў Віцебскай вобласці.

Круглы стол «Праца пераадольвае бар’еры» адбудзецца 6 сакавіка 2012 г. у Віцебскім Палацы спорту (Віцебск пр-т Будаўнікоў, 23, у фае 2-га паверха). Пачатак рэгістрацыі ў 12.30.

На дыскусійнай пляцоўцы «Бізнэс-магчымасці для людзей з інваліднасцю ў Гародні» падвялі вынікі праекта «Малы бізнэс - вялікія магчымасці».

Забеспячэнне даступнасці і ліквідацыя ўсялякіх бар'ераў для людзей з інваліднасцю. Як вырашаюцца гэтыя пытанні ў Беларусі? Што карыснага мы можам пераняць з замежнага вопыту? Абмеркаванне гэтых і іншых пытанняў адбылося 28 лютага на прэс-канферэнцыі, якую правёў Офіс па правах людзей з інваліднасцю. Мерапрыемства прайшло ў рамках інфармацыйнай кампаніі «Даступнасць». Спікерамі прэс-канферэнцыі выступілі каардынатар Офіса Сяргей Драздоўскі і выканаўчы дырэктар «Еўрапейскай сеткі незалежнага жыцця» Джэмі Болінг.

Фота тыдня на сайце http://disright.org

26 лютага ў рамках інфармацыйнай кампаніі «Даступнасць» Офіс па правах людзей з інваліднасцю правёў круглы стол з экспертам «Еўрапейскай сеткі незалежнага жыцця» Джэмі Болінг. Мадэратарам круглага стала быў каардынатар Офіса па правах людзей з інваліднасцю Сяргей Драздоўскі.