.

21 верасня г. г. у судзе Першамайскага раёна горада Мінска адбылося другое паседжанне па справе "Аб прымусе да прывядзення дома ў адпаведнасць з будаўнічымі нарматывамі і стварэння безбар'ернага асяроддзя".

Офіс па правах людзей з інваліднасцю прыняў удзел у форуме "Партнёрства без абмежаванняў", арганізаваным Прадстаўніцтвам Міжнароднага дзіцячага фонду ў Беларусі. Форум праходзіў 14-16 верасня 2012 года ў Мінскім міжнародным адукацыйным цэнтры (IBB).

Мэта, якую ставілі перад сабой арганізатары, - развіццё і ўмацаванне партнёрства арганізацыяў, якія працуюць для людзей з інваліднасцю, абмен досведам у галіне прасоўвання інтарэсаў людзей з інваліднасцю, планаванне сумесных адвакатыўных дзеянняў, - была цалкам выкананая.

"Галоўная праблема - чалавек з інваліднасцю не ведае пра свае правы", - такая заява прагучала на прэзентацыі гадавога Маніторынгу зваротаў грамадзян у Офіс па правах людзей з інваліднасцю.

23 верасня 2013 года адбудзецца сустрэча высокага ўзроўню Генеральнай Асамблеі ААН па пытаннях інваліднасці і развіцця пад назвай "Шлях наперад: парадак дня ў развіцці, які ўключае інваліднасць, да 2015 года і далей".
Філіпіны і Іспанія, фасілітатары сустрэчы высокага ўзроўню па пытаннях інваліднасці і развіцця 2013 года, склікаюць 2 папярэднія нефармальныя сустрэчы 10-га і 14-га верасня гэтага года. Гэтыя сустрэчы забяспечаць магчымасць для адкрытага абмену думкамі ўсіх удзельнікаў у дачыненні да сустрэчы і яе вынікаў, яны адкрыты для прадстаўнікоў грамадзянскай супольнасці, акрэдытаваных пры ААН.

У сям’і вайскоўцаў Каспіровіч з горада Бяроза выхоўваецца дачка Карына, інвалід 4 ступені страты здароўя. У доме, дзе пражывае дзяўчына, не былі выкананы нормы безбар’ернага асяроддзя - адсутнічаў пандус або пад’ёмнік. У сувязі з гэтым у Карыны былі вялікія праблемы: яна не магла бываць на свежым паветры, мець зносіны з аднагодкамі і проста выязджаць за межы сваёй кватэры.

4 верасня ў судзе Першамайскага раёна горада Мінска прайшло папярэдняе слуханне справы «Аб прымусе да прывядзення дома ў адпаведнасць з будаўнічымі нарматывамі і стварэнні безбар’ернага асяроддзя». Істцом выступае Рычард Паўлоўскі, інвалід-калясачнік. Адказчык - будаўнічая арганізацыя Х. Сутнасць цяжбы такая: Рычард Паўлоўскі заключыў дамову з будаўнічай арганізацыяй Х «на стварэнне аб’екта долевага будаўніцтва жылога дома па адрасе: г. Мінск, пр-т Машэрава, 43. Указаны жылы дом прыняты ў эксплуатацыю ў снежні 2010 г. (іскавая заява пазоўніка)». 

Упершыню ў Беларусі судова ўстаноўлена вінаватасць адказнай арганізацыі (Бабруйскае ўнітарнае камунальнае даччынае дарожна-эксплуатацыйнае прадпрыемства) за парушэнне нормаў безбар’ернага асяроддзя. Пацярпелы пры гэтым інвалід-калясачнік атрымаў кампенсацыю за маральную шкоду. Устаноўлена прамая сувязь паміж віной ў парушэнні нормаў безбар’ернага асяроддзя і парушэньнямі правоў чалавека з інваліднасцю.

Наша арганізацыя пачала выдаваць Бюлетэнь па правах людзей з інваліднасцю. Гэта электроннае штомесячнае выданне, у якім будуць публікавацца цікавыя і важныя матэрыялы па тэме правоў людзей з інваліднасцю і Даступнасці, міжнародныя навіны. Калі Ваша дзейнасць звязана з тэмай правоў людзей з інваліднасцю, мы будзем рады публікаваць у выданні навіны і матэрыялы Вашай арганізацыі, а таксама Вашыя аўтарскія артыкулы.

Прадстаўляем Вашай увазе першы выпуск (Жнівень 2012 года) – Бюлетэнь №1