З такім пытаннем у грамадскую прыёмную Офіса па правах людзей з інваліднасцю звярнуўся бізнесмен, які падбірае персанал для сваёй фірмы. Спецыялісты Офіса па правах людзей з інваліднасцю патлумачылі, што наймальнікі, якія працаўладкоўваюць людзей з інваліднасцю, маюць права на льготнае падаткаабкладанне і матэрыяльна-тэхнічнае забеспячэнне, усталяванае заканадаўствам.

Ажыццяўляецца кампенсацыя затрат наймальнікаў на стварэнне працоўных месцаў, у тым ліку спецыялізаваных, на набыццё абсталявання, аснасткі, кантрольна-вымяральных прыбораў, інструментаў, прыладаў, а таксама на выкананне мантажных і пусканаладачных работ у дачыненні да набытага абсталявання для працаўладкавання людзей з інваліднасцю ў адпаведнасці з заданнямі мясцовых выканаўчых і распарадчых органаў, а таксама адмысловымі дзяржаўнымі праграмамі. Памер кампенсацыі выдаткаў, які наймальнік можа атрымаць за стварэнне працоўных месцаў для асобаў з інваліднасцю звыш трох працэнтаў ад сярэдняспісавай колькасці работнікаў вызначаецца з разліку сярэдняга памеру выдаткаў за адно працоўнае месца.

Толькі дзясятая частка людзей з інваліднасцю ў Беларусі маюць вышэйшую адукацыю. Што стаіць на шляху да дыплома ў гэтых людзей і як пераадолець гэтыя перашкоды?

Сёння ва ўсім свеце інваліднасць разумеецца ў першую чаргу як праблема ўзаемадзеяння чалавека і асяроддзя. Лепшы спосаб пазбегнуць выключэння з грамадства – адукацыя, лічыць каардынатар праектаў Офіса па правах людзей з інваліднасцю Сяргей Драздоўскі. Аднак вышэйшая адукацыя ў нашай краіне маладаступная для людзей з інваліднасцю. Паводле звестак, на лістапад 2013 года з больш чым 532 тысячаў людзей з інваліднасцю ў Беларусі атрымалі дыплом толькі прыкладна дзясятая частка. Сярод іх 6 працэнтаў дарослых людзей, якія карыстаюцца каляскай, 10,7 працэнта – з парушэннем зроку, 6,3 працэнта – з парушэннем слыху.

Як людзі з інваліднасцю могуць паўплываць на змест і фармат дзяржаўных праграмаў? Гэтае пытанне праваабаронцы Офіса па правах людзей з інваліднасцю абмеркавалі з усімі зацікаўленымі падчас публічнай дыскусіі, што адбылася 29 кастрычніка ў Брэсце.

Да дыскусіі ў рамках інфармацыйнай кампаніі “Даступнасць” былі запрошаныя кіраўнікі рэгіянальных грамадскіх аб'яднанняў, якія займаюцца праблемамі людзей з інваліднасцю, і прадстаўнікі мясцовай улады. Разам з каардынатарам праектаў Офіса Сяргеем Драздоўскім берасцейцы абмеркавалі, якім чынам інваліды могуць лабіяваць свае інтарэсы як на ўзроўні вобласці, так і ўсёй краіны.

Урачыстае адкрыццё выставы “Сімвал Даступнасці” адбылося на пляцоўцы творчай прасторы “ЦЭХ” увечары 22 кастрычніка. Выстава будзе доўжыцца 10 дзён, наведаць яе можна па адрасе Мінск, пр. Незалежнасці, 58, корпус 6.

Цырымонія адкрыцця прайшла ў цесным коле аднадумцаў, асабліва ўсіх ўразіла выступленне Патрыцыі Курганавай, лаўрэата міжнародных конкурсаў эстрадных выканаўцаў, удзельніцы расійскага праекта “Голас”, а галоўнае – ідэйнага натхняльніка многіх таленавітых людзей з інваліднасцю, якія мараць рэалізаваць свой ​​патэнцыял. Практычны майстар-клас па бяспечным суправаджэнні і заездзе на бардзюры правялі госці з Рэспубліканскай асацыяцыі інвалідаў-калясачнікаў.

Асветніцкая праваабарончая ўстанова “Офіс па правах людзей з інваліднасцю” пачынае новы этап інфармацыйнай кампаніі “Даступнасць”. Мэта гэтага этапу кампаніі – паўплываць на змест і фармат дзяржаўных праграмаў у дачыненні да людзей з інваліднасцю для таго, каб пераарыентаваць гэтыя дакументы на нормы Канвенцыі аб правах інвалідаў.

– Грамадскасці важна разумець, як фармуюцца дзяржпраграмы, як мы можам у гэтым паўдзельнічаць. Так, напрыклад, да 2015 года з’явяцца чатыры новыя праграмы, якія тычацца палітыкі ў сферы інваліднасці, распрацоўка іх пачнецца ўжо ў 2014-м годзе, – адзначае каардынатар праектаў Офіса па правах людзей з інваліднасцю Сяргей Драздоўскі. – Цяпер яшчэ рана прапаноўваць у гэтыя праграмы нешта канкрэтнае, але абавязкова трэба разумець, як уключыцца ў гэты працэс.