Мінск, 17 мая 2013 года. Сёння пачалася ўнікальная для Беларусі падзея – “Тыдзень Даступнасці”. Арганізатарам мерапрыемства выступае асветніцкая праваабарончая ўстанова “Офіс па правах людзей з інваліднасцю”.

Спікер: Эльміра Набярушкіна (Расія).

Права на горад як пытанне сацыяльнага грамадзянства, Даступнасць скрозь прызму гарадскога грамадзянства людзей з інваліднасцю, Філасофія і метадалогія даступнасці (даступнае асяроддзе, універсальны дызайн, інклюзіўны дызайн), Дзяржаўная палітыка фармавання даступнасці і павышэння якасці жыцця людзей з інваліднасцю, Аналіз практык канструявання даступнага асяроддзя: праблемы і перспектывы: пра гэта і не толькі – у першай публічнай лекцыі “Даступнасць як крытэр якасці жыцця людзей з інваліднасцю” Эльміры Набярушкінай (Расія). Мерапрыемства адбудзецца 17 мая. Пачатак у 16.30. Уваход вольны. Адрас: Мінск, праспект Пераможцаў, дом 51, галерэя «PRезентацыя».

Жывая трансляцыя публічнай лекцыі – тут: http://disright.org/online-translation

У рамках падзеі “Тыдзень Даступнасці” 17, 18, 20 і 21 мая будуць праводзіцца бясплатныя юрыдычныя кансультацыі для інвалідаў 1, 2 і 3 групаў, а таксама бацькоў, якія выхоўваюць дзяцей з асаблівасцямі псіха-фізічнага развіцця, у тым ліку дзяцей-інвалідаў. Гэтыя катэгорыі грамадзянаў змогуць атрымаць бясплатную юрыдычную кансультацыю адносна іх правоў і магчымасцяў, гарантаваных заканадаўствам.

17 мая стартуе ўнікальная для Беларусі падзея – Тыдзень даступнасці. Форум, мэтай якога з’яўляецца павышэнне ўвагі і ўсведамлення праблемы даступнасці для людзей з інваліднасцю, пашырэнне разумення самога паняцця Даступнасць.

“Даступнасць – гэта не толькі безбар’ернае асяроддзе і пандусы, – каментуе Сяргей Драздоўскі, каардынатар Офіса па правах людзей з інваліднасцю. –  Паняцце Даступнасць значна шырэшае. Гэта эканамічная і архітэктурная даступнасць, даступнасць адукацыі і працаўладкавання, даступнасць сувязі і інфармацыі, ды многае іншае. Даступнасць ахоплівае ўсе сферы жыцця чалавека, незалежна ад таго, ці ёсць у яго інваліднасць ці не. Чалавек хоча карыстацца інтэрнэтам, падарожнічаць, мець стасункі, працаваць і ствараць матэрыяльныя і нематэрыяльныя каштоўнасці, забяспечваючы тым самым сабе годны лад жыцця. Ён хоча весці нармальнае паўнавартаснае жыццё”.

ПРАЦА З БАЛОТА РОБІЦЬ ЗАЛОТА

Аўтар: Дзіцячы Фонд ААН (ЮНІСЕФ) у Рэспубліцы Беларусь у супрацоўніцтве з Міністэрствам адукацыі Рэспублікі Беларусь, Нацыянальнай дзяржаўнай тэлерадыёкампаніяй Рэспублікі Беларусь і тэлестудыяй “Новы горад”.

Час: 26 хвілін 30 секунд

Краіна: Беларусь

Арганізацыя Аб'яднаных Нацый праводзіць глабальнае апытанне “Мой свет”, якое закранае пытанні пабудовы лепшага свету. Удзельнікам апытання прапануюць выбраць шэсць з шаснаццаці праблемаў, якія найбольш актуальныя для таго, хто галасуе. Важна меркаванне КОЖНАГА! Жыхары іншых краін ужо прагаласавалі. Цяпер наша чарга...

Вынікі апытання будуць даведзены да ведама сусветных лідэраў у працэсе выпрацоўкі новага парадку дня ў галіне глабальнага развіцця.

Прадстаўляем Вашай увазе Бюлетэнь па правах людзей з інваліднасцю, дзявяты выпуск (красавік 2013 года).

Дакумент адчыняецца ў фармаце PDF з дапамогай праграмы Adobe Reader.

Дарагія сябры!

Звяртаемся да Вас з просьбай аб працы валанцёрамі падчас падзеі “Тыдзень Даступнасці”. Перыяд з 17 па 21 траўня. Час - з 15.00 да 20.00 (можна вар’іраваць).

Валанцёры будуць прысутнічаць на мерапрыемстве і выконваць наступныя віды работ:

- Сустрэча гасцей
- Рэгістрацыя
- Мантаж/дэмантаж абсталявання і стэндаў
- Дапамога арганізатарам

Упершыню ў Рэспубліцы Беларусь у рамках інфармацыйнай кампаніі “Даступнасць” будзе праводзіцца Тыдзень Даступнасці, прысвечаны пытанням ўсіх відаў даступнасці для людзей з інваліднасцю. Арганізатарам мерапрыемства выступіць асветніцкая праваабарончая ўстанова “Офіс па правах людзей з інваліднасцю”. Падзея пройдзе пад дэвізам “Ад даступнасці да роўнасці”.

18 красавіка ў Мінску прайшла Міжнародная канферэнцыя “Актуальныя пытанні рэалізацыі ў праве прынцыпу забеспячэння роўнасці. Еўрапейскі досвед: ад тэорыі да практыкі”. Арганізатар мерапрыемства – асветніцкая праваабарончая ўстанова “Офіс па правах людзей з інваліднасцю” ў супрацоўніцтве з Фондам Розы Люксембург.